Avstraliyada insoniyat tarixini saqlovchi “qora quti” loyihasi amalga oshirilmoqda
Global inqiroz yuz bersa, ushbu “qora quti” kelajak avlodlarga insoniyat tarixida nima bo‘lganini tushunishga yordam beradi.
Tasmaniyaning g‘arbiy qismida Earthʼs Black Box loyihasi amalga oshirilmoqda. Loyiha doirasida taxminan o‘n metr uzunlikdagi po‘lat monolit quriladi, u insoniyat tarixini va uning yo‘q bo‘lishining mumkin bo‘lgan sabablarini qayd etishga mo‘ljallangan. Bu haqda BILD nashri xabar berdi.
Qalinligi 7,5 santimetr bo‘lgan po‘lat konstruksiya geologik jihatdan barqaror bo‘lib, uzoq joyda granit asosga o‘rnatiladi. Loyiha mualliflari orasida Tasmaniya Universiteti, Slemenger BBDO agentligi va The Glue Society sanʼat guruhi mavjud.
Qurilma quyosh energiyasi bilan ishlaydi va asrlar davomida avtonom xizmat ko‘rsatishga mo‘ljallangan. Ichida atmosferadagi SO₂ kontsentratsiyasi, havo va okean harorati, dengizlarning kislotalanish darajasi, energiya isteʼmoli, siyosiy qarorlar, yangiliklar va ijtimoiy tarmoqlardagi nashrlarni doimiy yozib boruvchi maʼlumot saqlash tizimlari joylashtiriladi.
Loyiha mualliflari taʼkidlashicha, global inqiroz yuz bersa, ushbu “qora quti” kelajak avlodlarga insoniyat tarixida nima bo‘lganini tushunishga yordam beradi. Tizimning to‘liq ishga tushirilishi 2026-yilga qadar rejalashtirilgan.
