Fransiyada nogironlar uyi yonib ketdi
11 kishi halok bo‘ldi, yaradorlar ham bor.
Fransiyaning Yuqori Reyn mintaqasidagi nogironlar uyida yong‘in sodir bo‘ldi.
Hodisa oqibatida 11 nafar inson halok bo‘lgan, 1 kishi kasalxonaga yotqizilgan. 17 kishi binodan evakuatsiya qilingan. Maʼlumotlarga ko‘ra, ushbu muassasa xususiy bo‘lgan. Alanga sabablari haqida maʼlumotlar yo‘q.
Voqea joyiga Fransiya Bosh vaziri Elizabet Born yetib bordi. Unga birdamlik va oila ishlari vaziri Auror Berge hamrohlik qildi.
