Shimoliy Koreya Sariq dengizga raketa uchirdi
Bu Pxenyanning AQSh va Seulga javobidir.
Shimoliy Koreya Sariq dengiz tomon qanotli raketalarni uchirdi. Bu haqda Yonhap axborot agentligi xabar berdi.
Ayni paytda snaryadlar tushgan joy haqida ma'lumot yo'q.
Bu AQShning yadro quroliga ega suvosti kemasining Janubiy Koreyaga kelishi hamda ittifoqchilarning yadroviy maslahat guruhining birinchi yig‘ilishiga Pxenyanning yana bir yaqqol javobidir. 3 kun avval ham Shimoliy Koreya Yapon dengiziga ikkita qisqa masofali ballistik raketa uchirgan edi.
Pxenyanning ketma-ket raketa uchirishlari esa Janubiy Koreya va AQShning noroziligiga sabab bo‘lmoqda.
