Iroqning Daniyadagi elchixonasi oldida Qurʼon yoqib yuborildi
Aksiyaga politsiya qarshilik ko‘rsatmagan.
Kopengagendagi Iroq elchixonasi oldida o‘ta millatchi “Daniyalik vatanparvarlar” guruhi vakillari miting o‘tkazdi. Tadbir davomida ular Qur'onni yoqib yuborishgan, deb xabar berdi Anadolu agentligi.
Namoyishchilar buni Shvetsiyaning Bag‘doddagi elchixonasiga yaqinda uyushtirilgan hujumga norozilik sifatida uyushtirganini aytishmoqda. Agentlik ma'lumotlariga ko'ra, namoyishga politsiya qarshilik ko'rsatmagan.
Eslatib o'tamiz, joriy yilning yanvar oyida ham Stokgolmdagi Turkiya elchixonasi oldida Qur'on yoqib yuborilgan edi. Aksiyani o'ta o'ng va islomga qarshi "Qattiq kurs" partiyasining daniyalik-shved faoli Rasmus Paludan boshqargan. Shuningdek, iyun oyida ham iroqlik muhojir Stokgolmdagi bosh masjid yonida Qur’onni yoqib yuborgan edi.
