Erdog‘anning inauguratsiyasi marosimi boʻlib oʻtdi
Tadbirda dunyoning 78 davlatidan vakillar, jumladan, 20 dan ortiq davlat va hukumat rahbarlari qatnashgan.
Anqaradagi Turkiya parlamenti binosida 3-iyun kuni Turkiya prezidenti Rajab Tayyib Erdog‘anning qasamyod qilish va inauguratsiyasining tantanali marosimi bo‘lib o‘tdi. Bu haqda agentligi Anadolu xabar berdi.
Qayd etilishicha, marosim ishtirokchilari orasida dunyoning 78 davlati vakillari, jumladan, 20 dan ortiq davlat va hukumat rahbarlari qatnashgan. Tadbir avvalida Turkiya parlamenti muvaqqat raisi Devlet Baxcheli davlat rahbariga prezidentlik saylovidagi g‘alabadan dalolat beruvchi hujjatni topshirdi. Shundan keyin Erdog‘an Turkiya xalqiga qasamyod matnini o‘qib eshittirgan.
«Erdog‘an inauguratsiya marosimidan so‘ng Turkiya Respublikasi asoschisi Mustafo Kamol Otaturk maqbarasiga gulchambar qo‘yadi. Tantanali tadbirlar dasturi Erdog‘an tabriklarni qabul qiladigan prezidentlik majmuasida davom etadi», — deyiladi xabarda.
Shundan so‘ng Turkiya rahbari Chankaya qarorgohiga yo‘l oladi va u yerda marosimga tashrif buyurgan oliy martabali mehmonlar sharafiga rasmiy kechki ziyofat uyushtiriladi. Tadbirning oxirgi nuqtasi esa Turkiyaning qayta saylangan prezidenti mamlakatning yangi hukumati tarkibini eʼlon qiladigan brifing bo‘ladi.
Maʼlumot uchun, 28-may kuni bo‘lib o‘tgan saylovlarda qaytadan davlat rahbari etib saylangan prezident Rajab Tayyib Erdog‘anning vakolat muddati 2028-yilgacha davom etadi.
