Qirg‘izistonda amaldor korrupsiyaga yo‘l qo‘ysa, shipshiydam qolishi mumkin
Mamlakat maxsus xizmatlari rahbari korrupsiyaga qarshi choralar haqda maʼlumot berdi.
Qirg‘iziston maxsus xizmatlari rahbari Qamchibek Tashiyev korrupsiyaga qarshi qanday kurashayotgani haqida gapirdi. Bu haqda u Facebook akkauntida yozgan.
Uning so‘zlariga ko‘ra, bugungi kunda Qirg‘iziston rasmiylari bunday jinoyatlarga qarshi faol kurash olib bormoqda.
Ushbu kurash uch bosqichni o‘z ichiga oladi:
-
Korrupsiyaga qarshi kurashni tizimlashtirish, asosiy yo‘nalishni aniqlash;
-
Jinoyatlar uchun jazoni qonunchilik darajasida kuchaytirish;
-
Tushuntirish ishlari, shuningdek, axborot taʼminotini olib borish.
"Hozircha faqat birinchi bosqich yakunlandi. Bu 2-3, maksimal 6 oy davom etadi deb o‘ylagandik. Ayni vaqtda 2,5 yildan beri jinoyatchilikka qarshi kurashyapmiz, bu esa katta kuch va sabr-toqatni talab etadi", — dedi u.
Tashiyev samarali jazo sifatida konsessioner mansabdorlarning davlatga yetkazilgan zararni qoplash va “yengil” jazo bilan qutulishiga yo‘l qo‘ymaslikni, balki javobgarlikni sezilarli darajada oshirish va sud qarori bilan jinoyatchilarning barcha mol-mulkini musodara qilishni taklif qildi.
"Kurashning ikkinchi bosqichi bir yoki ikki yilga cho‘zilishi mumkin. Bu juda qiyin bo‘ladi, men hamma narsadan voz kechishim kerak — oila, qarindoshlar, do‘stlar. Biroq, hech kim noqonuniy tarzda javobgarlikka tortilmasligi kerak. Biz faqat birgalikda kuchli va adolatli davlat qura olamiz", — deb yozdi maxsus xizmatlar rahbari Facebook‘dagi sahifasida.
