Turkiyaga dovul yopirildi
Poytaxt Anqara tabiiy ofat markazida.
Misli ko‘rilmagan dovul Turkiya poytaxtiga zarba berdi. Shamol daraxtlarni yiqitdi, uylar va boshqa binolarning tomlarini uchirib yubordi, ikkita masjidning minoralarini qulatgan.
Dovul boshlangan vaqtda havoda 14 nafar paraplanchi bo‘lib, ular bo‘ron girdobiga tushib qolishgan. Kuchli shamol taʼsirida ekstremal sportchilar har xil joylarga tushishdi.
Sinoptiklar Turkiyada yomg‘ir va kuchli shamol bo‘lishi haqida oldindan ogohlantirgan. Ayrim hududlarda vaziyat yaqin kunlarda takrorlanishi mumkin. Shu bois rasmiylar mahalliy aholidan ehtiyot bo‘lishni so‘ramoqda.
