Chexiya va Slovakiya rahbarlari Ukrainaga keldi
Ular Kiyevni oxirigacha qo‘llashlarini bildirishgan.
Ukraina rahbari Vladimir Zelenskiy mamlakatga tashrif buyurgan Chexiya va Slovakiya prezidentlari bilan uchrashdi.
Muzokaralar chog‘ida Zelenskiy Chexiya hukumatiga Rossiyaning keng ko‘lamli bosqinining birinchi kunlaridanoq Ukrainani har tomonlama qo‘llab-quvvatlagani uchun minnatdorchilik bildirdi.
O‘z navbatida, Chexiya prezidenti Ukrainani qo‘llab-quvvatlashini hamda o‘z mustaqilligi uchun kurashayotgan ukrainaliklarning qatʼiyati va jasoratiga qoyil qolishini bildirdi.
Slovakiya prezidenti Zuzana Chaputova bilan uchrashuvda Zelenskiy o‘z mamlakatiga Ukrainaga gumanitar va mudofaa yordami uchun rahmat aytdi.
“Mamlakatingizda vaqtincha bo‘lgan ukrainaliklarni qo‘llab-quvvatlaganingiz uchun tashakkur. Shuningdek, armiyamizni jang maydonida qudratli qo‘llab-quvvatlaganingiz uchun sizga rahmat aytaman”, — dedi Kiyev rahbari.
