Eronda o‘quvchilar kimyoviy gazdan zaharlandi
Hodisa oqibatida kamida 47 o‘quvchi qiz jarohat olgan, ulardan 20 nafarining ahvoli og‘ir.
Eronning Kurdiston viloyatidagi Miraj qizlar maktabi o‘quvchilari kimyoviy gazdan zaharlandi.
Kamida 47 o‘quvchi qiz jarohat olgan, ulardan 20 nafarining ahvoli og‘ir. Eron rasmiylari voqea yuzasidan hozircha izoh bermagan.
Jabrlanganlarning ota-onalari maktab devoridan Eron bayrog‘ini olib tashlashdi va oliy yetakchi Ali Xomanaiyga qarshi shiorlar aytishdi. Guvohlarning so‘zlariga ko‘ra, maktab yaqinida huquq-tartibot kuchlari bilan to‘qnashuv ham sodir bo‘lgan.
