Gamburg aholisi eshik-derazalarni ochmaslik haqida ogohlantirildi
Odamlardan, shuningdek, tashqariga chiqmaslik so‘raldi.
Germaniyaning Gamburg shahri aholisi derazalarni yopishga, konditsionerlarni o‘chirishga chaqirilmoqda. Sanoat omborida yuz bergan yong‘indan chiqqan zaharli tutun tufayli ayrim fuqarolar evakuatsiya qilinmoqda.
Yong‘in yuk mashinalarining to‘xtash joyida sodir bo‘lgan, keyin alanga yaqin atrofdagi omborlarga o‘tgan. Qisqa fursatda tutun buluti Gamburg markazini qoplab, shaharning bir qancha tumanlariga tarqaldi.
Fuqaro muhofazasi federal boshqarmasi tutun mahalliy aholi salomatligiga tahdid solayotganini aytdi. Agentlik yong‘in va tutunni “o‘ta xavfli” toifaga kiritdi. Odamlar uylarini tark etmaslik haqida ogohlantirilgan.
