Biz Xitoy bilan harbiy ittifoq tuzmayapmiz—Putin
Rossiya rahbari mish-mishlarga oydinlik kiritdi
Rossiya Xitoy bilan harbiy ittifoq tuzmayapti, ikki davlat o‘rtasidagi harbiy-texnik hamkorlikda hamma narsa shaffof. Bu haqda Rossiya prezidenti Vladimir Putin maʼlum qildi.
“Biz Xitoy bilan hech qanday harbiy ittifoq yaratmayapmiz. Ha, bizda harbiy-texnika sohasida hamkorlik bor. Biz buni yashirmaymiz. U yerda hamma narsa shaffof, hech qanday sir yo‘q”, — dedi u.
Shuningdek, Putin Donbass, Zaporojye va Xersondagi voqealarga qaramay, nafaqat Xitoy bilan, balki boshqa davlatlar bilan hamkorlik hamon davom etayotganini taʼkidladi.
