BMT gumanitar yordamga muhtoj bo‘lganlarga 250 mln dollar ajratdi
Mablag‘, asosan, ochlik xavfi ostida qolayotganlarga yo‘naltiriladi.
Birlashgan Millatlar Tashkiloti Bosh kotibi Antoniu Guterrish eng muhtojlarga gumanitar yordam ko‘rsatish uchun 250 million dollar ajratilishini eʼlon qildi.
“Bugun dunyo bo‘ylab 339 million kishi gumanitar yordamga muhtoj, bu o‘tgan yilga nisbatan 25 foizga ko‘p. Bugun men Favqulodda vaziyatlarda harakat qilish markaziy jamg‘armamizdan eng katta mablag‘ ajratilishini eʼlon qilaman”, — dedi Guterrish Afrika Ittifoqi sammitida.
Mablag‘lar Afrikada ocharchilik xavfi ostida bo‘lgan eng zaif qatlamlarni qo‘llab-quvvatlashga yo‘naltiriladi.
