"Challenger 2" tanklari mart oyida Ukrainaga keladi
Ukrainalik harbiylar Britaniyada tanklarni boshqarishga o'rgatilmoqda.
Britaniyaning "Challenger 2" tanklari mart oyida Ukrainaga keladi. Ukraina harbiylari yanvar oyi oxiridan buyon ular bilan ishlash bo‘yicha mashg‘ulotlar o‘tkazmoqda.
Buyuk Britaniya bosh vaziri Rishi Sunak Londonda Vladimir Zelenskiy bilan qo‘shma matbuot anjumanida Ukrainaga harbiy texnika yetkazib berish tezlashtirilganini ma’lum qildi.
Yanvar oyi oxiridan beri Ukraina tank ekipajlari Buyuk Britaniyada "Challenger 2" bilan ishlash uchun mashg'ulotlar o'tkazmoqda. Tanklarni boshqarishga tayyorgarlik taxminan bir yarim oy davom etadi. Rishi Sunakning qayd etishicha, ayni damda Britaniya harbiylari Ukraina Qurolli kuchlarining 10 ming jangchisini tayyorlamoqda. Bundan tashqari, Sunak ukrainalik harbiylar, jumladan, qiruvchi samolyot uchuvchilari uchun o‘quv dasturi kengaytirilganini ma’lum qildi.
Matbuot anjumani oldidan Rishi Sunak va Vladimir Zelenskiy Angliya janubida joylashgan Dorset shahridagi harbiy bazaga tashrif buyurishdi, u yerda ukrainalik harbiylar "Challenger 2"ni boshqarishga o‘rgatiladi.
