Eron mudofaa vazirining sobiq o‘rinbosari o‘limga hukm qilindi
Alirizo Akbariy josuslikda ayblangan.
Eron mudofaa vazirining sobiq o‘rinbosari Alirizo Akbariy o‘limga hukm qilindi. Mamlakat razvedka vazirligi bayonotiga ko‘ra, Akbariy Britaniya maxsus xizmatlari foydasiga josuslik qilgan.
«Eronning maxfiy strategik markazlaridagi britan razvedka xizmatining eng muhim agentlaridan biri fosh etildi. Uzoq davom etgan va ko‘p bosqichli aksilrazvedka amaliyotidan so‘ng u hibsga olindi. Alirizo Akbariy Britaniya xizmatidagi josus bo‘lib chiqdi», — Eron razvedka vazirligidan iqtibos keltirdi Tasnim agentligi.
Akbariy 2019 yildan beri qamoqda.
