Chuvashiyada gaz quvuri portladi
Buning ortidan Yevropada gaz narxi keskin ko‘tarilgan.
Chuvashiyada Urengoy–Pomari–Ujgorod magistral gaz quvurida portlash sodir bo‘ldi. Bu haqda «Interfaks» nashri yozmoqda.
Dastlabki maʼlumotlarga ko‘ra, uch kishi halok bo‘lgan, bir kishi jarohat olgan. “Gazprom Transgaz Nijniy Novgorod” vaziyatga hozircha izoh bermadi.
Chuvashiya Favqulodda vaziyatlar vazirligi o‘zining telegram-kanalida portlash respublikaning Vurnar viloyatida yerosti quvuridan gaz sizib chiqishi tufayli sodir bo‘lganini xabar qildi. Hozirda yong‘in bartaraf etilgan.
Gaz quvuri 1980-yillar boshida qurilgan Rossiyaning eksport gaz quvuri hisoblanadi. U G‘arbiy Sibirdan Yevropaga gaz tashiydi. Gaz quvuri Rossiya–Ukraina chegarasidan Kursk viloyatidagi Sudja GIS hududidan o‘tadi. TASS nashriga ko‘ra, portlash haqidagi xabarlardan so‘ng Yevropada gaz narxi kubometri uchun 1200 dollargacha ko‘tarilgan.
