Qozog‘istonda 14 ta yuk vagoni relsdan chiqib ketdi
Hodisa sabablari maʼlum qilindi.
NUR.KZ xabariga ko‘ra, bugun Qozog‘istonning Qarag‘anda viloyati yaqinida 14 ta yuk vagoni relsdan chiqib ketdi.
«17-noyabr kuni soat 06:15 da Qarag‘anda viloyatining Qarag‘anda-Sortirovochnaya-Akadir uchastkasining Qarabas – OP 767 yo‘lida 14 ta vagon yuk poyezdida relsdan chiqib ketdi. Qurbonlar va jarohatlanganlar yo‘q», – deyiladi xabarda.
Mazkur uchastkada yo‘lovchi va yuk poyezdlarining harakati vaqtincha to‘xtatilgan.
Hodisaga xususiy mulkdorlarga tegishli vagonlarning nosozligi sabab bo‘lgani aytilmoqda.
