Eron Ozarbayjon va Armaniston o‘rtasida vositachi bo‘lmoqchi
Bu bo‘yicha Raisiy Aliyevga taklif kiritdi.
Eron prezidenti Ibrohim Raisiy Tehron Boku va Yerevan o‘rtasida vositachi bo‘lishga tayyorligini ma’lum qildi. Bu haqda “Interfaks” nashri yozmoqda.
Qayd etilishicha, u bu taklifni Qozog‘iston poytaxti Ostona shahrida Ozarbayjon prezidenti Ilhom Aliyev bilan bo‘lgan uchrashuvda bildirgan.
“Eron Ozarbayjon Respublikasi va Armaniston o‘rtasidagi kelishmovchiliklarni hal qilish uchun o‘zining katta salohiyatidan foydalanishga tayyor”, — deya taklif qilgan Raisiy.
Aliyev va Raisiy Ostonada Osiyoda hamkorlik va ishonch choralari bo‘yicha konferensiyaning oltinchi sammiti doirasida uchrashgan.
