“Drujba” neft quvuridagi ziyon bartaraf etildi
Hozirda u yana normal ishlamoqda.
Polshaning “Pern” kompaniyasi “Drujba” neft quvuridagi ziyonni bartaraf etganini va hozirda uning ikkala filiali normal ishlayotganini ma’lum qildi. Bu haqda “Associated Press” xabar berdi.
Qayd etilishicha, kompaniya shu hafta boshida sodir bo‘lgan hodisa sabablarini tekshirishni davom ettirmoqda. Rossiya neftining “Drujba” orqali Germaniyaga normal hajmda yetkazib berilishi boshlangan.
Eslatib o‘tamiz, 11-oktyabr kuni kechqurun Polshaga tegishli “Drujba” quvurining g‘arbiy qismi ikki qatoridan birida neft sizib chiqishi aniqlangan. Kompaniya hodisaning sababi sifatida uchinchi tomon aralashuvi haqida hech qanday dalil topmagan.
