Pokistonda yo‘lovchi avtobus yonib ketdi
Unda halok bo‘lganlarning barchasi qarindoshlar.
Pokistonda avtobusning yonib ketishi oqibatida 18 kishi halok bo‘ldi, deya yozmoqda “SkyNews” nashri.
Qayd etilishicha, voqea Pokistonning Nurobod shahri yaqinida yuz bergan. Transport vositasining kondisioner blokida qisqa tutashuv sodir bo‘lgan va yong‘in kelib chiqqan.
Qurbon bo‘lganlar orasida sakkiz nafar bola va to‘qqiz nafar ayol bo‘lgan. Yo‘lovchilarning barchasi qarindoshlar bo‘lib, ular avtobusni safar uchun buyurtma qilishgan. Ulardan bir necha kishi falokatdan omon qolgan.
