Yaponiyaning 8 ta sun’iy yo‘ldoshi yo‘q qilindi
Bunga raketaning muvaffaqiyatsiz parvozi sabab bo‘lgan.
Yaponiyaning “Epsilon” raketasi oxirgi bosqichni ajratishdagi nosozlik tufayli mo‘ljallangan orbitaga chiqa olmadi va bortdagi sakkizta sun’iy yo‘ldosh bilan birga masofadan yo‘q qilindi. Bu haqda Yaponiya Ayerokosmik tadqiqotlar agentligi xabar qildi.
Nosozlik raleta ishga tushirilgandan 7 daqiqa o‘tib qayd etilgan. Ayni paytda muhandislar uning yuzaga kelish sabablarini izlamoqda.
Agentlik rejasiga ko‘ra, raketa orbitaga 7 ta innovatsion texnologiyani sinovdan o‘tkazish uchun ishlatilishi kerak bo‘lgan 110 kg og‘irlikdagi RAISE-3 sun’iy yo‘ldoshini va besh kubat (o‘ta kichik sun’iy yo‘ldosh)ni olib chiqishi kerak edi.
