Fransiyada uran saqlangan ombor yonib ketdi
O‘t o‘chiruvchilar uni bartaraf etishga muvaffaq bo‘lgan.
Fransiyaning AESlarga operatorlik xizmati ko‘rsatuvchi Framatome kompaniyasiga tegishli zavodda yong‘in chiqdi. “RiaNovosti” nashri xabar qildi.
AFP axborot agentligi ma’lumotlariga ko‘ra, yong‘in oqibatida radiasiya miqdori ko‘tarilmagan va odatdagi ko‘rsatkichda qolgan.
Olov Framatome'ning Roman-syur-Izer kommunasidagi uran saqlanadigan zavoddan chiqqan. Xavfsizlik kuchlari uni bartaraf etishga muvaffaq bo‘lgan. Bunga bir soatdan ortiq vaqt sarflangan.
