Vladimir Putin Qirg‘iziston va Tojikiston rahbarlari bilan telefonlashdi
O‘zaro suhbatda chegaradagi vaziyat muhokama qilingan.
Rossiya Prezidenti Vladimir Putin Qirg‘iziston rahbari Sadir Japarov hamda Tojikiston rahbari Emomali Rahmon bilan telefon orqali muloqot qildi. Bu haqda Kreml matbuot xizmati xabar qilmoqda.
Muloqot davomida qirg‘iz-tojik chegarasidagi otishmalar muhokama qilingan. Rossiya yetakchisi tomonlarni vaziyatning yanada keskinlashuviga yo‘l qo‘ymaslikka va buni imkon qadar tezroq diplomatik yo‘l bilan hal qilish choralarini ko‘rishga chaqirgan.
Shuningdek, Putin chegaradagi barqarorlikni ta’minlash uchun zarur yordam ko‘rsatishga tayyorligini bildirgan.
