Germaniya bu yil Rojdestvoga pul sarflamaydi
Mamlakatda kelasi yil retsessiya xavfi bor.
Berlin Senati bu yil poytaxtning mashhur ko‘chalarida Rojdestvo bezaklarini o‘rnatish uchun pul sarflamasligini tasdiqladi. Bu haqda mahalliy OAV xabar qilmoqda.
“Biz soliq to‘lovchilarning yuz minglab yevrolarini Rojdestvo chiroqlariga sarflamaymiz, shu bilan birga, hammani pulni tejashga chaqiramiz. Elektr energiyasi narxining oshishi bilan kurashayotgan odamlar va korxonalar uchun yordam paketlarini tayyorlaymiz”, — deyiladi xabarda.
Avvalroq Germaniya iqtisodiyot vaziri Robert Xabek agar mamlakatda narxlar o‘sishda davom etsa, kelasi yil retsessiya xavfi borligini aytgandi.
