Qirg‘iziston sobiq prezidenti BMTning Afg‘oniston bo‘yicha maxsus vakiliga aylandi
Uning diplomatiya sohasidagi 35 yillik tajribaga egaligi qayd etilgan.
Qirg‘izistonning sobiq prezidenti Roza Otunbayeva BMT bosh kotibining Afg‘oniston bo‘yicha maxsus vakili va tashkilotning Afg‘onistonga ko‘mak missiyasi rahbari etib tayinlandi.
Otunbayeva Debora Layonsning o‘rnini egallagan. Guterrish Layonsga uzoq yillik xizmati uchun minnatdorchilik bildirgan.
BMT matbuot xizmatida Otunbayevaning siyosat, boshqaruv, diplomatiya va xalqaro hamkorlikda 35 yillik tajribaga egaligi ta’kidlangan. U 2010-yil 3-iyuldan 2011-yil 1-dekabrga qadar Qirg‘iziston prezidenti bo‘lgan.
Avvalroq Guterrish Afg‘oniston muammosini hal qilishda qo‘shni davlatlar pozitsiyasi muhim ekanini aytgandi.
