Kubada chaqmoq urishi sabab neft ombori portladi
Hukumat yong‘inni o‘chirishda qo‘shni davlatlardan yordam so‘radi.
Kubaning Matansas provinsiyasidagi neft omborida kuchli yong‘in sodir bo‘ldi.
Hodisa oqibatida 67 kishi jarohat olgan, 17 kishining taqdiri noma’lum. 52 nafar yarador kasalxonaga yetkazilgan, ulardan uch nafarining ahvoli og‘ir.
Prezident idorasi xabariga ko‘ra, omborda to‘rtta portlash sodir bo‘lgan.
Hodisa 25 ming kub metrga yaqin neft bo‘lgan rezervuar gumbaziga chaqmoq tushgani oqibatida sodir bo‘lgan. Kuba hukumati yong‘inni o‘chirishdan qo‘shni davlatlardan yordam so‘ragan.
