Gruziya Oʻrtayer dengizidagi operatsiyalarda NATOga hamkor bo‘ldi
Hamkorlik maqomi alyansning 4 yillik baholash dasturidan muvaffaqiyatli o‘tganidan keyin berilgan.
Shimoliy Atlantika alyansi Gruziyaga NATOning O‘rtayer dengizidagi xavfsizlik bo‘yicha operatsiyada hamkor maqomini berdi. Bu haqida mamlakat Ichki ishlar vazirligi xabar qilgan.
Qaror alyans tomonidan Gruziya qirg‘oq qo‘riqlash xizmatining taktik bo‘linmalari NATOning 4 yillik baholash dasturidan muvaffaqiyatli o‘tganidan keyin qabul qilingan.
Eslatib o‘tamiz, “Dengiz qo‘riqchisi” operasiyasi 2016-yil noyabr oyida boshlangan. Ushbu operasiyadan asosiy maqsad dengizda xavfsizlikni ta’minlash va tahdidlarga o‘z vaqtida javob berishdir.
