Yevropada kelib chiqishi noma’lum gepatit aniqlandi
Infeksiya 16 yoshgacha bo‘lgan bolalarda uchramoqda.
Yevropa Ittifoqining 15 davlatida kelib chiqishi noma’lum gepatitning 95 ga yaqin holati aniqlangan. Bu haqda “Euractiv” portali xabar berdi.
Ma’lum qilinishicha, eng ko‘p holat Italiya (35 ta) va Ispaniyada (22 ta) qayd etilgan. Infeksiya bir oylikdan 16 yoshgacha bo‘lgan bolalarda uchramoqda.
Avvalroq Jahon sog‘liqni saqlash tashkiloti kelib chiqishi noma’lum o‘tkir gepatit, allaqachon, ko‘hna qit’aning 12 davlatiga kirib borgani va ushbu kasallik oqibatida bir kishi o‘lganini ma’lum qilgandi.
