Yevropa Ittifoqi Rossiyaga nisbatan neft embargosini kelisha olmadi
Bu haqda Yevroittifoq tashqi ishlar komissari Jozep Borrel maʼlum qilgan.
Yevropa Ittifoqi davlatlari rus nefti importiga to‘liq embargo yoki jazolovchi tarif shartlarini qo‘llash haqida umumiy yechimga kela olmadi.
Yevroittifoq neft importining chorak qismi Rossiya hisobiga to‘g‘ri keladi, qanchalik g‘alati tuyilmasin, aynan Yevropa neft uchun to‘layotgan pullarga Rossiya Ukrainada urush harakatlarini davom ettirmoqda.
Shunday qilib, neft embargosi masalasi may oyining oxirigacha qoldirildi. Oltinchi paket sanksiyalarda neft embargosi bo‘lmaydi.
Mazkur xabarlar fonida erta tongdan neft arzonlasha boshladi. Oxirgi soatlarda 5 dollargacha arzonlagan neft bo‘yicha bitimlar hozir 102 dollardan o‘tmoqda.
