Misrda sayyohlik avtobusi yonib ketdi
Fransiya va belgiyalik turistlar halok bo‘lgan.
Misr janubidagi trassada sayyohlik avtobusi yuk mashinasi bilan to‘qnashib, yonib ketdi, kamida 10 kishi, jumladan 4 nafar Fransiya va 6 nafar Belgiya fuqarosi halok bo‘ldi. Hukumat ma’lumotlariga ko‘ra, falokatda besh misrlik ham hayotdan ko‘z yumgan.
Qurbon bo‘lgan misrliklar orasida avtobus haydovchisi, uning yordamchisi va ekskursiya boshlig‘i hamda yuk mashinasida bo‘lgan ikki kishi bor, deyiladi prokuratura bayonotida.
Avtobus Nil daryosining g‘arbiy qirg‘og‘ida, qadimiy Luksor shahridan 55 kilometr janubda joylashgan Esna ibodatxonasi tomon ketayotgan edi.
YTH sabablarini aniqlash bo‘yicha surishtiruv ishlari olib borilmoqda.
