Yevrokomissiya rahbari Kiyevga yo‘l oldi
Delegatsiya Polshaning Przemysl shahridan poyezdda yo‘lga chiqqan.
Yevropa komissiyasi rahbari Ursula fon der Leyen Kiyevga jo‘nab ketdi. U Polshaning Przemysl shahridan poyezdda yo‘lga chiqqan. Bu haqda "Deutsche Welle" xabar bermoqda.
EK rahbarining o‘zi Twitter‘da yozishicha, delegatsiya tarkibida Yevropa Ittifoqining tashqi ishlar va xavfsizlik siyosati bo‘yicha Oliy vakili Josep Borrell, Slovakiya Bosh vaziri Eduard Xeger va bir qancha Yevroparlament deputatlari ham bor.
Ursula fon der Leyen prezident Vladimir Zelenskiy bilan uchrashishi rejalashtirilgan.
Ayni paytda Latviya elchixonasi Kiyevdagi faoliyatini qayta boshlagani maʼlum bo‘ldi.
Latviya Tashqi ishlar vaziri Edgars Rinkevich Ukrainada ishlayotgan diplomatlarga fidoyilik va xizmatlari uchun minnatdorchilik bildirdi.
