Vladimir Jirinovskiy vafot etdi
Rossiyalik siyosatchi, Davlat dumasi LDPR fraksiyasi rahbari Vladimir Jirinovskiy og‘ir va uzoq davom etgan xastalikdan so‘ng 75 yoshida vafot etdi.
«Og‘ir va uzoq davom etgan kasallikdan keyin Vladimir Volfovich Jirinovskiy bu olamni tark etdi», — deya rasman ma’lum qildi Rosssiya Davlat dumasi spikeri Vyacheslav Volodin.
Ma’lumot uchun: joriy yilning 25 mart kuni ham Jirinovskiy vafot etgani haaqida xabarlar tarqalgandi. Biroq keyinroq siyosatchining o‘limi tasdig‘ini topmadi.
Eslatib o‘tamiz, Vladimir Jirinovskiy 2 fevral kuni koronavirus bilan kasalxonaga yotqizilgan. O‘shandan beri ommaviy axborot vositalari uning ahvolining yomonlashuvi haqida ko‘plab norasmiy ma’lumotlarni chop etdi. Biroq LDPR matbuot xizmatida bunday ma’lumotlarning hammasi mish-mishlar deb ataldi va ularni rad etdi. Oxirgi marta 21 mart kuni LDPRda Vladimir Jirinovskiy shifokorlar rejasiga muvofiq davolanishni davom ettirayotganini, kasallikdan so‘ng reabilitasiya jarayoni biroz vaqt talab etishini aytgandi.
