UNICEF ukrainalik bolalar uchun onlayn bog‘chani ishga tushirmoqda
Hozirgi qiyin vaziyatda bolalar eʼtiborini taʼlimga qaratish kerak — UNICEF.
UNICEF Ukraina Taʼlim va fan vazirligi ko‘magida NUMO loyihasini ishga tushirmoqda, bu onlayn bolalar bog‘chasidir.
"YUNISEF Taʼlim va fan vazirligi ko‘magida maktabgacha yoshdagi bolalar uchun o‘quv videolari formatida NUMO bolalar bog‘chasini ishga tushirmoqda. Ushbu qiyin davrda loyiha ota-onalarga farzandlarini kognitiv va rivojlantiruvchi faoliyatga jalb qilishda yordam beradi", — deyiladi vazirlik matbuot xizmati xabarida.
Qayd etilishicha, hozirda ko‘plab oilalar boshpanalarda, yo‘lda yoki yangi joyga moslashishga urinishga majbur bo‘lmoqda va NUMO loyihasi ota-onalarga farzandlarining qiyin davrdagi vaqtini mazmunli tashkil etish va taʼlim jarayoni bilan aloqada bo‘lishga yordam beradi.
"Birinchi son tez orada Taʼlim va fan vazirligi hamda YUNISEF platformalarida, keyin esa televideniyeda paydo bo‘ladi. Biz bolalar o‘qishni davom ettirishi va zarur hayotiy ko‘nikmalarni egallashi uchun barcha imkoniyatlarni ishga solyapmiz", — deyiladi xabarda.
Eslatib o‘tamiz, avvalroq Ukrainadagi ikki haftalik urushi davomida 71 bola halok bo‘lgani, 100 dan ortiq bola jarohatlangani xabar qilingandi.
