Qozog‘iston Kavkaz yo‘nalishi orqali mahsulotlari eksportini ko‘paytirmoqchi
Bu haqda hukumatga topshiriq berilgan.
Qozog‘iston muqobil transport yo‘laklarini qidirishni boshladi.
Bu haqda "Sputnik Kazaxstan" xabar berdi.
Respublika bosh vaziri Alixon Smailov hukumatga Ozarbayjon va Gruziya bilan muzokaralar natijasida tezkor choralar ko‘rishga topshiriq bergan. Shu bilan birga u Qozog‘iston tovarlariga tarifni kamaytirish muhimligigv eʼtibor bergan.
Rasmiy Nur Sulton delegatsiyasi ikki kundan buyon Ozarbayjon vakillari bilan Bokuda bir qator muzokaralar o‘tkazmoqda. Unda transport-logistika masalasi markaziy mavzulardan bo‘lib turibdi. Xususan, tomonlar Ozarbayjon orqali qozoq neftini eksport qilishda sezilarli ishlar amalga oshirilganini taʼkidladi.
Eslatib o‘tamiz, avvalroq O‘zbekistonning Ozarbayjondagi elchixonasi yuk tashuvchilarga ogohlanitirish bilan chiqqandi.
