Trampning kompaniyasi buxgalterlik va audit xizmatisiz qoldi
Xizmat ko‘rsatuvchi kompaniya hisobotlar to‘g‘riligiga javob bera olmasligini aytib, shartnomani buzdi.
Buxgalterlik va audit sohasida xizmat ko‘rsatuvchi Mazars xalqaro kompaniyasi Tpump Organisation bilan hamkorlikni to‘xtatdi. Bu haqda Mazars USA rahbariyati xabar Trampning huquqiy xizmati rahbari Alan Gartenni ogohlantirdi.
Ko‘pyillik munosabatlarning buzilishiga Nyu-York bosh prokuraturasining firibgarlik ishi bo‘yicha surishtiruv o‘tkazayotgani sabab bo‘ldi. Tergovga Trampning qizi Ivanka va o‘g‘li kenja Donald ham chaqirilgan.
Shartnomani bekor qilishdan tashqari Mazars Trump Organisation‘ning 2011-2020 yillardagi hisobotlari to‘g‘riligiga javob berolmasligini bildirdi.
"Bu xulosa qisman Nyu-York prokuraturasininn 2022 yil 18 yanvarda taqdim etgan hujjatlari va ichki tekshiruvlarga asoslangan", - dedi kompaniya huquqshunosi Uilyam Kelli.
Uning qayd etishicha, hisobotlar mijoz kompaniya tomonidan berilgan maʼlumotlarga asoslangan.
Eslatib o‘tamiz, avvalroq Donald Tramp prezidentlik xotiralarini yozib, hammani “so‘kib” chiqqandi.
Sharofat Mahmudova
