"Biz kuzatyapmiz" — Sergey Narishkin
Rossiya razvedkasi rahbari “Tolibon” hokimiyati tan olinishi masalasiga izoh berdi.
Rossiya va Afg‘onistonning boshqa qo‘shnilari “Tolibon”ni tan olish bo‘yicha kutish pozitsiyasini qo‘llamoqda.
Bu haqda Rossiya tashqi razvedka xizmati direktori Sergey Narishkin maʼlum qildi.
U “Tolibon” 15 yildan so‘ng hokimiyatni qayta qo‘lga kiritganini, endilikda boshqa din vakillariga nisbatan toqatli bo‘lish, giyohvand moddalar yetishtirishga qarshi kurash, radikal va terrorchi guruhlarni qo‘llab-quvvatlamaslikka vaʼda berganini taʼkidlagan.
Uning so‘zlariga ko‘ra, Afg‘oniston qo‘shnilari — Rossiya, Xitoy, Iran va turkiya vaziyatni kuzatmoqda. "Toliblar o‘zining ijobiy tomonga o‘zgarganini amaliy qadamlar bilan isbotlashi kerak", — degan Narishkin.
Maʼlumot o‘rnida: Hozirda “Tolibon” hokimiyati biror-bir davlat tomonidan tan olinmagan. Shu bilan birga u bilan ishchi aloqalar o‘rnatilgan. Toliblar Afg‘onistonda ayni paytda real qudratga ega.
Mamlakatdagi gumanitar inqiroz yana-da chuqurlashmasligi uchun muloqot olib bormoqda.
Eslatib o‘tamiz, avvalroq Turkiya Mozori-Sharifdagi konsulxonasini qayta ochishini maʼlum qilgandi.
Jahongir Qo‘ziyev
