Turkiyada qorning qalinligi 2 metrga yetdi
Qalin qor ostida qolgan qishloqlar tashqi dunyodan uzilib qolgan.
Turkiyaning Sharqiy Qora dengiz mintaqasida kuchli qor yog‘ishi kuzatilmoqda, qorning balandligi ikki metrga yetdi. Bu haqda "Hurriyet" nashri xabar berdi.
Qor va muz tufayli Trabzon, Rize, Artvin va Giresundagi boshlang‘ich va o‘rta maktablar faoliyati to‘xtatildi. Bu tabiat hodisasi ayniqsa tog‘li hududlarga eng ko‘p taʼsir ko‘rsatdi. Ayrim qishloqlar tashqi dunyodan uzilib qolgan. Qishloqlarning ko‘chalari tor bo‘lgani uchun aholi punktlarida maxsus texnika ishlay olmaydi. Odamlar uylarini va ko‘chalarni belkurak bilan tozalashmoqda.
Avvalroq Yoqutistonda havo harorati -45 ayrim joylarda esa -50 darajaga yetgani xabar qilingandi.
