Atlantika okeanida yangi bo‘ron paydo bo‘ldi, unga Elza deb nom berilgan
U allaqachon Gaiti va Dominikan Respublikasiga yetib borgan va Kuba, AQSHning Florida shtati tomon harakatlanmoqda. Shamolning maksimal tezligi hozirda soatiga taxminan 130 km ga yetgan.
Gaitida hokimiyat xavfsizlik nuqtai nazaridan odamlarni qirg‘oq hududlarini tark etishga chaqirdi. Dovul daraxtlarni qulatdi, elektr taʼminotini to‘xtatdi, infratuzilmani buzdi va ekinlarni yo‘q qildi.
Xuddi shunday holat Karib dengizining bir nechta shtatlarida - Barbados orolida, Sent-Lusiya, Sent-Vinsent va Grenadinlarda ham kuzatilmoqda.
Dovul haqida ogohlantirish, shuningdek, Yamayka, Dominikan Respublikasi va Kubaning bir qator provinsiyalari tomonidan eʼlon qilingan. Dominikan Respublikasida rasmiylar bo‘ron arafasida odamlar uchun 2,4 mingdan ziyod boshpana tashkil qildi, u yerda kuchli yomg‘ir yog‘ishi kutilmoqda va suv toshqinlari istisno etilmayapti.
