21-fevral kuni O'zbekistonning 9 ta viloyatida sel xavfi eʼlon qilindi
Ayrim hududlarda yomg‘ir suvlari to‘planishi natijasida hududlarni suv bosishi ehtimoli ham mavjud.
O‘zgidromet 21 fevral kuni kutilayotgan yomg‘irlar sabab respublikaning tog‘oldi va tog‘li hududlarida sel-suv toshqinlari yuzaga kelishi mumkinligidan ogohlantirdi.
Prognozlarga ko‘ra, quyidagi hududlarda sel-suv toshqini ehtimoli mavjud:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot;
- Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon;
- Navoiy viloyati: Xatirchi, Navbahor, Nurota, Konimex, Karmana;
- Jizzax viloyati: Zomin, Baxmal, G‘allaorol, Sharof Rashidov, Forish, Yangiobod;
- Toshkent viloyati: Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari hamda Angren va Olmaliq shaharlari;
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on;
- Farg‘ona viloyati: So‘x, Shohimardon, Farg‘ona, Beshariq;
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari va Xonabod shahri.
Shuningdek, ayrim hududlarda yomg‘ir suvlari to‘planishi natijasida hududlarni suv bosishi ehtimoli ham mavjud.
Mutaxassislar tog‘oldi va tog‘li hududlarda yashovchi fuqarolarni, dam oluvchilarni hamda tog‘ yo‘llarida harakatlanuvchi haydovchilarni ehtiyot choralarini ko‘rishga, xavfsizlik qoidalariga qatʼiy rioya etishga chaqirdi.
