Dam olish kunlari havo +11 darajagacha isiydi
Respublika bo‘yicha yog‘ingarchiliksiz ob-havo saqlanib turadi.
Sinoptiklar ushbu haftada kuzatilishi mumkin bo‘lgan ob-havo haqida ma’lumot berdi.
"O‘zgidromet" xabariga ko‘ra, bugun va dam olish kunlari respublika bo‘yicha yog‘ingarchiliksiz biroz bulutli ob-havo saqlanib turadi.
Kechasi havo harorati 0...-3 daraja sovuq, ba’zi joylarda -5 daraja sovuqqacha, kunduz kunlari +6...+11 daraja iliqqacha kuzatilishi mumkin.
Qoraqalpog‘iston Respublikasida kechasi -5...-10 daraja sovuq, kunduzi +2...+7 daraja iliq bo‘ladi. Respublikaning ayrim joylariga kechasi va ertalab tuman tushishi ma'lum qilingan. Shamol sharqiy yo‘nalishdan yengil va o‘rtacha tezlikda esadi.
Poytaxtda biroz bulutli, yog‘ingarchiliksiz havo kuzatiladi. Shamol sharqdan 3-8 m/s tezlikda esadi. Havo harorati kechasi 0...-3 daraja sovuq, kunduzi +8...+11 daraja iliq bo‘ladi.
