O‘zbekistonda 11 oyda qancha avtomobil ishlab chiqarilgan?
Bu haqida Statistika agentligi xabar berdi.
O‘zbekiston avtomobil ishlab chiqarish sanoatida 2024-yilning yanvar-noyabr oylarida yirik korxonalar tomonidan 382 ming 905 dona har xil turdagi yengil avtomobillar ishlab chiqarilgan. Bu haqida Statistika agentligi xabar berdi.
Reytingda eng yetakchi avtomobil – Cobalt (149 790 dona). Damas esa ikkinchi o‘rinda – 92 011 dona.
Mashina rusumlari bo‘yicha taqsimlanishi quyidagicha:
Tracker – 40 718 dona;
Onix – 36 408 dona;
Maxsus yengil avtomobillar – 23 033 dona;
KIA – 19 328 dona;
Gentra – 12 837 dona;
Chery – 6 301 dona;
Haval – 2 473 dona;
Lada – 6 dona.
2024-yilning III choragida O‘zbekiston avtomobil bozorida faollik darajasi oshgan bo‘lsa-da, 2023-yilgi darajada emasligi qayd etilgan. Xususan, iyul-sentabr oylarida davlat ro‘yxatidan o‘tkazilgan avtomobillar soni 352,8 mingtani tashkil qilib, II-chorakdagiga nisbatan 76,8 mingtaga (27,8 foizga) ko‘paydi. Biroq, bu ko‘rsatkich 2023-yilning mos davridagiga nisbatan 19,9 foiz kam hisoblanadi.
