Elektrdan noqonuniy foydalangan fuqaroning mashinasi xatlandi
Avtotransport auksion savdolarida sotilib, tushgan pullardan qoplanadi.
Mamlakatimizda energetika sohasida islohotlar davom etmoqda va ishlab chiqarish quvvatlarini modernizatsiya qilish va kengaytirish ishlari tizimli ravishda olib borilmoqda. Biroq, energiya resurslaridan noqonuniy foydalanish bilan bog‘liq qonunbuzarliklar ham uchrab turmoqda.
Xususan, Jinoyat ishlari bo‘yicha Sh.Rashidov tuman sudining 10.10.2024 yildagi qarzdor K.D. dan "Jizzax hududiy elektr tarmoqlari korxonasi" AJ foydasiga muqaddam huquqbuzarlik oqibatida yetkazilgan 4,73 mln. so‘m qarzini undirish yuzasidan ijro varaqasi Byuroning Sh.Rashidov tuman bo‘limi ish yurituviga kelib tushgan.
Ijro hujjati bo‘yicha qarzdorga nisbatan ijro ishi qo‘zg‘atilib, tomonlarga yuborilgan. Davlat ijrochilarining ijro harakatlari natijasida qarzdorga tegishli Cobalt rusumli transport vositasi xatlanib jarima maydonchasiga joylashtirildi.
Qarzdor yetkazilgan zararni qoplamagan taqdirda mazkur avtotransport auksion savdolarida sotilib, tushgan pullardan qoplanadi.
