Toshkent viloyatida 3 ta mashina ishtirokida YTH bo‘ldi
Og‘ir tan jarohati va vafot etganlar yo‘qligi ma'lum qilingan.
Toshkent viloyatining Ohangaron tumanida Gentra, Damas va Chery rusumli avtomobillari ishtirokida yo‘l-transport hodisasi sodir bo‘ldi.
Hodisa kecha, Toshkent viloyati Ohangaron tumanida soat taxminan 17:00 larda xalqaro ahamiyatga ega bo‘lgan A373 “M39 avtoyo‘li - Guliston - Bo‘ka - Angren - Qo‘qon va Andijon orqali – O‘sh” avtomobil yo‘lining 165-kilometrida sodir bo‘lgan.
1964-yilda tug‘ilgan R.A boshqaruvidagi Damas rusumli transport vositasida ikkinchi darajali yo‘ldan asosiy yo‘lga qo‘shilayotgan vaqtida “Vodiy-Toshkent” yo‘nalishida harakatlanib kelayotgan haydovchilar – 1977 yilda tug‘ilgan X.B boshqaruvidagi Gentra va 1987 yilda tug‘ilgan Yu.D boshqaruvidagi Chery TIGGO 7 PRO rusumli transport vositalari bilan to‘qnashib, yo‘l transport hodisasi sodir etgan.
Haydovchi va yo‘lovchilarga birinchi tibbiy yordam ko‘rsatilgan. Og‘ir tan jarohati va vafot etganlar yo‘q.
