"Qo'qonlik tabib"ning 4 nafar “tan soqchi”si javobgarlikka tortildi
Avval ijtimoiy tarmoqlarda tarqalgan holat yuzasidan tezkor surishtiruv tayinlangani ma'lum bo'lgandi.
Avvalroq, “qo‘qonlik tabib” nomi bilan tanilgan Iqboljon Soliyevning faoliyati yuzasidan ichki ishlar organlari tomonidan tezkor surishtiruv harakatlari tayinlangani ma’lum qilingan edi.
Tarmoqlarda tarqalgan videolarda uni maxsus harbiy kiyimdagi 4 nafar “tan soqchi”lari qo‘riqlayotganini ko‘rish mumkin. Ularga nisbatan O‘zbekiston Respublikasi Ma’muriy javobgarlik to‘g‘risidagi kodeksning 209-1-moddasi (vazirliklar, idoralar va tashkilotlar xodimlarining formali kiyim boshini qonunga xilof ravishda kiyib yurish) bilan bayonnoma rasmiylashtirilgan.
