AQSHning atom suv osti kemasi Yaqin Sharqqa yetib keldi
Bu haqda mamlakat Markaziy qo‘mondonligi ma’lum qildi.
Amerikaning Ogayo toifasidagi yadro suv osti kemasi Yaqin Sharqqa yetib keldi. Bu haqda mamlakat Markaziy qo‘mondonligi ma’lum qildi.
“Ogayo toifasidagi suv osti kemasi AQSH Markaziy qo‘mondonligining mas’uliyat hududiga yetib keldi”, — deyiladi xabarda.
AQSH Markaziy qo‘mondonligiga Yaqin Sharq, Sharqiy Afrika va Markaziy Osiyo kiradi.
Eslatib o‘tamiz, Isroilning HAMAS bilan urushi fonida Qo‘shma Shtatlar mintaqada harbiy kuchlarini ko‘paytirishni boshlagan. Oktyabr oyi boshida AQSHning Jerald Ford samolyot tashuvchi kemasi va uning eskort kemalari O‘rta yer dengizining sharqiy qismiga yetib keldi. Keyinchalik mintaqaga yana bir samolyot tashuvchisi Duayt Eyzenxauyer yuborildi.
Shuningdek, AQSH harbiylari Isroil qirg‘oqlariga dengiz tezkor kuchlarini jo‘natgan.
