9 oyda Toshkent shahrida 539 ta YTH sodir etilgan
Shularda 566 nafar piyoda turli tan jarohatlari olgan.
Toshkent shahar IIBB JXX YHXB boshlig‘i Rafiqjon Jalilov poytaxt aholisiga murojaat bilan chiqdi.
Qayd etilishicha, YTHlarning aksariyati piyodalar uchun belgilanmagan joylardan va svetaforning taqiqlangan chirog‘ida o‘tish paytida sodir bo‘lgan.
Ta’kidlanishicha, shu yilning 17-oktabrdan diqqat piyoda keng qamrovli profilaktika boshlanib, unda mingdan ortiq xodim va jamoatchilik vakillari jalb etildi. Tadbir boshida 5 mingdan ortiq yo‘l harakati qoidalarini buzgan piyodalar aniqlanib ma’muriy javobgarlikka tortildi.
Shu bois Yo‘l harakati xavfsizligi xizmati fuqarolarni piyodalar uchun alohida ajratilgan yo‘laklardan, tratuarlardan, ular bo‘lmaganda esa yo‘lning bir chetidan oqimga qarama-qarshi harakatlanishga chaqirdi.
Shuningdek, haydovchilar tomonidan piyodalarga yo‘l bermaslik oqibatida 100ga yaqin holatlar aniqlanib, ma’muriy bayonnomalar rasmiylashtirilgani ham ma’lum qilindi.
