Pashinyan Baydendan maktub oldi
Unda AQSh Armanistonni qo'llab-quvvatlashi haqida yozilgan.
AQSh Prezidenti Jo Bayden Armaniston bosh vaziri Nikol Pashinyanga maktub yo‘llab, unda Qo‘shma Shtatlar uning mamlakatini qo‘llab-quvvatlashda davom etishini bildirdi.
Amerika Prezidentining maktubini AQSh Xalqaro taraqqiyot agentligi (USAID) rahbari Samanta Pauer yetkazdi.
“Men Vazirlar Mahkamasining asosiy aʼzosi Samanta Pauerdan Amerika Qoʻshma Shtatlari va mening maʼmuriyatim Armanistonning suvereniteti, mustaqilligi va hududiy yaxlitligingizni himoya qiluvchi munosib va mustahkam mintaqaviy tinchlikka erishishga intilishlarini kuchli qoʻllab-quvvatlashini shaxsan sizga yetkazishni soʻradim", deyiladi maktubda.
Eslatib o‘tamiz, Armaniston bosh vaziri Nikol Pashinyan va Ozarbayjon Prezidenti Ilhom Aliyev o‘rtasidagi uchrashuv kelasi oy bo‘lib o‘tadi.
