Namanganga 100 ta yangi avtobus olib kelinadi
Bu bo‘yicha Toshkentda shartnoma imzolangan.
Namanganga 100 ta yangi avtobuslar olib kelinadi. Bu haqda Transport vazirligi xabar bermoqda.
Qayd etilishicha, viloyati hokimi o‘rinbosari Saidahmad Sultonov Toshkent shahrida “YUTONG Bus co.,LTD” kompaniyasining MDH mamlakatlari bo‘yicha prezidenti Djeff Syao boshchiligidagi delegatsiya vakillari bilan uchrashgan. Uchrashuvda viloyatda aholiga ko‘rsatilayotgan transport xizmatlari sifatini oshirish maqsadida yo‘lovchi tashish faoliyati bilan shug‘ullanuvchi korxonalar harakat tarkibini yangilash, zamonaviy avtobuslar sotib olish va ularga servis xizmatlari ko‘rsatishni tashkil etish bilan bog‘liq jihatlar muhokama etilgan.
Muzokaralar davomida “Xumo avto plyus” MCHJ hamda “YUTONG Hongkong Limited” kompaniyasi o‘rtasida 100 dona avtobuslarni sotib olish yuzasidan shartnoma imzolangan.
