Endi 15 yoshdan kichiklar ham ishlashi mumkin
Bu bo‘yicha hukumat qarori qabul qilindi.
“Madaniyat, sport va ommaviy axborot vositalari xodimlarining mehnat munosabatlarini tartibga solish to‘g‘risida”gi hukumat qarori qabul qilindi. Bu haqda Bandlik vazirligi xabar berdi.
Ro‘yxatda 219 ta “yengil turdagi” madaniy-tomosha tashkilotlarining, televideniye, radioeshittirish muassasalarining va boshqa ommaviy axborot vositalarining ijodiy xodimlari, professional sportchilar hamda asarlarni yaratish, shuningdek, ijro etishda ishtirok etuvchi kasb va lavozimlar qayd etilgan.
Mazkur ro‘yxatda ko‘rsatilgan ishlar, kasblar, lavozimlarga 15 yoshga to‘lmagan shaxslarni ishga qabul qilishda ularning sog‘lig‘iga va maʼnaviy kamol topishiga ziyon yetkazmasligi, taʼlim va kasbiy tayyorgarligi va qonunchilikda belgilangan boshqa talablarga rioya etilishi lozim.
