Andijonda daryodan 10 yoshli bola jasadi topildi
Holat haqida FVB maʼlumot berdi.
Andijon viloyati Oltinko‘l tumanida daryodan 10 yoshli bola murdasi topildi. Bu haqda viloyat FVB xabar berdi.
Qayd etilishicha, 13 avgust kuni soat 17:53 larda Oltinko‘l tumanida yashovchi D.A. IIBning “102” qisqa raqamiga murojaat qilib, Oltinko‘l tumani hududidan oqib o‘tuvchi “Qoradaryo” daryosidan 10 yoshli o‘g‘il bola murdasi topilganligini maʼlum qilgan. Olib borilgan surishtiruv natijasida ushbu jasad Oltinko‘l tumani “Ors” MFY Yuqori ko‘chasida yashagan T.A. ekanligi aniqlangan.
Marhum T.A.ning jasadi sud-tibbiy ekspertizasiga yuborilgan. Viloyat Favqulodda vaziyatlar boshqarmasi Navbatchi dispetcherlik xizmatiga suvda cho‘kish bo‘yicha xabar kelib tushmagan.
