Toshkent metrosida yigit poyez yo‘liga sakradi
Maʼlum bo‘lishicha, u bosh kiyimini olish uchun shunday qilgan.
Ijtimoiy tarmoqlarda Toshkent metropolitenining “Do‘stlik–2” bekatida yigit poyezd yo‘liga tushgani aks etgan video tarqaldi.
Rasmiy xabarga ko‘ra, fuqaro A.M. metro yo‘liga tushib qolgan bosh kiyimni olish maqsadida o‘zboshimchalik bilan poyezd yo‘liga sakragan.
Metropoliten va ichki ishlar organi xodimlari tomonidan ko‘rilgan tezkor chora-tadbirlar orqali yo‘lovchi zudlik bilan xavfsiz tarzda platformaga chiqarilgan. Fuqaro A.M.ga nisbatan “Metropolitendan foydalanish tartib-qoidalari”ga amal qilmagani sababli bayonnoma rasmiylashtirildi.
“Metro yo‘lida inson hayoti uchun xavfli hisoblanuvchi yuqori kuchlanishli elektr toki mavjudligini eslatib o‘tamiz”, — deyiladi xabarda.
